Sumarið
Kæru félagar.
Gleðilegt sumar og takk fyrir veturinn, megi sólin skína á ykkur í allt sumar.
Senn líður að sumarfríi hjá okkur en framundan eru skemmtilegir fundir.
Laugardaginn 19.mai koma til okkar Brynja Guðmundsdóttir forstjóri Gagnavörslunnar og Sóley Elíasdóttir eigandi og skapari Soley organics.
Um hvitasunnuhelgi verður ekki laugardagsfundur.
Laugardaginn 2. júni, lokum við vetrardagskránni með húllumhæ. Förum yfir afraksturinn og gleðjumst saman.
Við þökkum ykkur fyrir góða mætingu í vetur og hlökkum til að sjá ykkur fersk þann 25.ágúst.
Stjórnir Sjálfstæðisfélaganna í Kópavogi.
Meirihlutaskipti.
Sjálfstæðisflokkur, Framsóknarflokkur og Y-listi Kópavogsbúa hafa myndað nýjan meirihluta í Kópavogi.
Ármann Kr. Ólafsson oddviti sjálfstæðismanna verður bæjarstjóri. Málefnasamningurinn verður kynntur fulltrúaráði Sjálfstæðisflokksins síðar í dag.
Bæjarfulltrúar Framsóknarflokks, Sjálfstæðisflokks og Y-lista Kópavogsbúa hafa myndað nýjan meirihluta í Kópavogi og undirritað samkomulag um málefnasamning og skiptingu embætta.
Ármann Kr. Ólafsson, oddviti sjálfstæðismanna, verður bæjarstjóri, Rannveig Ásgeirsdóttir, bæjarfulltrúi Y-lista Kópavogsbúa, verður formaður bæjarráðs og Ómar Stefánsson, bæjarfulltrúi Framsóknarflokks, varaformaður. Margrét Björnsdóttir, bæjarfulltrúi Sjálfstæðisflokks, verður forseti bæjarstjórnar.
Samkomulag er á milli nýja meirihlutans og Guðrúnar Pálsdóttur, fráfarandi bæjarstjóra, um að hún komi á ný til starfa sem sviðsstjóri hjá Kópavogsbæ. Gengið verður frá því samkomulagi eftir að meirihlutinn hefur formlega tekið við. Fyllsta traust ríkir á milli nýja meirihlutans og Guðrúnar, segir í fréttatilkynningu frá nýja meirihlutanum.
Málefnasamningurinn verður kynntur fulltrúaráðum Sjálfstæðisflokks og Framsóknarflokks síðar í dag.
Bæjarstjóraskipti fara fram á bæjarstjórnarfundi nk. þriðjudag, 14. febrúar, og þá tekur hinn nýi meirihlutinn formlega við starfa.
Fundarhöld
Eftirfarandi fundir eru á dagsskrá:
LAUGARDAGSFUNDUR 11. febrúar. kl 10. Gestir verða Ómar Ragnarsson og Kristján Loftsson og ræða þeir auðlindamál.
Aðalfundur Sjálfstæðiskvennafélagsins Eddu 15.febrúar kl 20
Aðalfundur Sjálfstæðisfélagsins í Kópavogi 16. febrúar kl 20
allir fundur eru í félagsheimilinu í Hlíðarsmára 19.
Þorrablót Sjálfstæðisfélagins þann 4. febrúar.
Fjárhagsáætlun 2012
Fjárhagsáætlun 2012.
Þriðjudaginn 13.12.2011 var samþykkt fjárhagsáætlun Kópavogsbæjar fyrir árið 2012. Við síðari umræðu hennar var einnig tekin fyrir fjárhagsáætlun Sjálfstæðisflokksins í Kópavogi sem er andsvar við metnaðarlítilli fjárhagsáætlun fjórflokka meirihlutans; Næst besta flokknum, Y-listanum, VG og Samfylkingunni. Fjárhagsáætlun meirihlutans byggir á skattahækkunum og útgjaldaaukningu, þeirri leið er hafnað í áætlun Sjálfstæðisflokksins. Engin pólitísk sýn er sett fram í fjárhagsáætlun meirihlutans, jafnvel þótt fulltrúar Samfylkingarinnar telji að hömlulaus útgjaldaaukning sé til marks um einhverskonar stefnu af þeirra hendi. Það veldur líka vonbrigðum að engar markvissar aðgerðir eru til lækkunar á skuldum þrátt fyrir mögulegan tekjuauka með úthlutun lóða í kjölfar aukinnar eftirspurnar. Fjárhagsáætlunin er óljós samsuða fjögurra flokka með ólíkar áherslur
Áherslur Sjálfstæðisflokksins
Í fjárhagsáætlun Sjálfstæðisflokksins eru lagðar þær pólitísku línur að lækka álögur á íbúa Kópavogsbæjar, auka hagræðingu í rekstri bæjarins og verja stöðu þeirra sem njóta þjónustu félagsmálastofnunar. Bæjarfulltrúar Sjálfstæðisflokksins hafna mikilli hækkun fasteignagjalda, hafna 30% hækkun sorphirðugjalds og leggja til lækkun á holræsa- og vatnsskattinum ásamt lækkun á lóðarleigu.
Sjálfstæðisflokkurinn hagræðir, en ver stöðu þeirra verst settu
Hagræðingu er víða að finna í fjárhagsáætlun Sjálfstæðisflokksins. Lagður er til sparnaður í stjórnsýslunni og hjá ýmsum stofnunum bæjarins. Nefndum er fækkað, minna er veitt til gjafakaupa, dregið úr kostnaði við tölvuþjónustu og auglýsingakostnaður er lækkaður svo eitthvað sé nefnt.
Dregið er úr sívaxandi kostnaði við þjónustukaup af ýmsum toga og markmið sett um hóflega hagræðingu í skólakerfinu, ekki síst þar sem rekstur grunnskólanna mun fara 6% fram úr áætlunum ársins 2011. Fulltrúar Sjálfstæðisflokksins skera hins vegar ekki niður í þjónustu félagsmálastofnunar enda ljóst að umbjóðendur hennar hafa lítið á milli handanna. Engu að síður er rétt að undirstrika að kostnaður við flutning málefna fatlaðra frá ríkinu til sveitarfélaga er mun meiri en ráð var fyrir gert og sést þess glöggt merki í þessari áætlun. Ástæðan er sú að ríkið hafði þrengt mikið að málaflokknum í aðdraganda flutningsins og rekið hann með ómarkvissum og ógegnsæjum hætti eins og kom fram í skýrslu ríkisendurskoðanda. Það þarf því að leggjast yfir reksturinn, aðlaga hann rekstri bæjarins.
Sóknarfæri, skuldir lækkaðar
Þrátt fyrir allt þá eru sóknarfæri í þeirri stöðu sem við erum í. Í ljósi þess að lítið sem ekkert hefur verið byggt á undanförnum árum hefur eftirspurn eftir lóðum verið að aukast jafnt og þétt síðustu misserin. Verktakar hafa verið að vakna til lífsins og fyrirséð er vöntun á fjölbýlishúsalóðum. Því er nauðsynlegt að skipuleggja lóðir undir fjölbýlishús. Við slíka áherslubreytingu er hóflegt að reikna með tekjum af lóðasölu upp á ríflega 500 milljónir króna. Líklegt er að þessi áherslubreyting muni skila sér í mun meiri lóðasölu. Tekjurnar verða notaðar til að draga úr skuldum bæjarins sem lækka munu um 400 m.kr. Skattalækkunartillögur Sjálfstæðisflokksins eru aftur á móti fjármagnaðar með tiltekt í rekstrinum.
Hrunið hefur tekið sinn toll þegar kemur að fjármálum sveitarfélaganna og ekki gert skal gert lítið úr því. Þeim mun mikilvægara er að spyrna við fótum. Markviss spor til lækkunar gjalda og sparnaðar í rekstri eru nauðsynleg til þess að snúa við þeirri þróun sem átt hefur sér stað í fjármálum bæjarins.
Sífelld uppgjöf og eftirgjöf mun hlaða upp vandamálum sem koma síðan af miklum þunga í bakið á okkur í framtíðinni.
Ármann Kr. Ólafsson
Fleiri greinar...
Síða 1 af 20
