Jón er menntaður lögfræðingur frá Háskóla Íslands, 1998, með próf í verðbréfaviðskiptum, 2002, og hlaut lögmannsréttindi 2001. Jón var formaður Íþróttafélagsins Gerplu á árunum 2006 – 2013 og í stjórn félagsins frá 2003. Jón var m.a. í stjórn Fimleikasambands Íslands á árunum 1998 – 2000. Þá hefur Jón einnig setið í stjórn Sjálfstæðisfélags Kópavogs og setið í kjörstjórn.
Jón er 40 ára lögmaður. Hann er giftur Lindu Björk Logadóttur og eiga þau fimm börn; Elsu (16), Laufeyju (14), Maríu (8), Andra (6) og Loga (4). Jón starfar sem forstöðumaður hjá Stefni hf. en á undanförnum árum hefur hann gengt ábyrgðarstöðum innan fjármálakerfisins, s.s. forstjóri Byrs hf., formaður stjórnar Reiknisstofu bankanna og Teris hf. ásamt því að gegna stöðu aðstoðarframkvæmdastjóra viðskiptabankasviðs Íslandsbanka hf.
Jón leggur áherslu á fjölgun hagkvæmra íbúða fyrir ungt fólk til að tryggja áframhaldandi búsetu þeirra í Kópavogi ásamt ábyrgri fjármálastjórn með markmið um niðurgreiðslu skulda og lækkun skatta á komandi árum. Jón er fyrrverandi formaður Íþróttafélagsins Gerplu í Kópavogi, 2006 – 2013.
Jón telur að staða Kópavogsbæjar hafi verið að styrkjast á undanförnum árum og að Sjálfstæðisflokkurinn hafi tekið virkan þátt í þeirri þróun. En eftir að hafa starfað að málefnum Íþróttafélagsins Gerplu til margra ára, sem formaður frá 2006 – 2013, þá sé á þessum tímapunkti spennandi valkostur að gefa kost á sér til að starfa að áframhaldandi framþróun Kópavogsbæjar. Jón telur að það sé afar mikilvægt að stilla upp lista þar sem Sjálfstæðismenn snúi bökum saman og starfi sem einn öflugur hópur á komandi kjörtímabili.
Jón telur að bregðast þurfi við fjölgun íbúa í Kópavogi á undanförnum árum með því að vera tilbúin með hagkvæmar íbúðir fyrir ungt fólk sem hyggst flytja að heiman á næstu árum. Tryggja þurfi að okkar unga fólk hverfi ekki til annarra sveitarfélaga vegna skorts á íbúðum í viðráðanlegum stærðum.
Jón leggur jafnframt áherslu á ábyrga fjármálastjórn innan bæjarins og nýta eigi það svigrúm sem myndast við lækkun skulda og aukna stærðarhagkvæmni bæjarins. Þannig ætti að vera hægt að lækka útsvar og fasteignagjöld á komandi árum.
Þá eru auk þess fjölmörg önnur mikilvæg verkefni sem huga þurfi að s.s. að tryggja áframhaldandi fjölbreytt menningar, tómstunda- og íþróttastarf, tryggja framúrskarandi aðbúnað, kennslu og árangur í skólum og ásamt því viðhalda áherslu á velferð eldri borgara í Kópavogi.
Jón er aðgengilegur í síma 696-1855 og í tölvupósti í netfangið jonfinnboga@gmail.com
Hægt að fá nánari upplýsingar um Jón á vefsíðunni: www.facebook.com/jonfinnb